काठमाडौं । सोमबार सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य तोलामा ३ सय रुपैयाँले घटेको हो ।
साताको पहिलो कारोबार दिन अर्थात आइतबार १ लाख ५ सय रुपैयाँ खरिदबिक्री भएको सुन आजका लागि भने १ लाख २ सय रुपैयाँ कायम गरिएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९९ हजार ७ सय रुपैयाँ तोकिएको छ । अघिल्लो दिन भने यो सुन प्रतितोला १ लाख रुपैयाँमा खरिदबिक्री भएको थियो ।
यस्तै, साताको दोस्रो कारोबार दिन चाँदीको मूल्यमा पनि गिरावट आएको छ । आइतबार स्थिर रहेको चाँदीको भाउ आज तोलामा १० रुपैयाँले घटेर १ हजार ३५० रुपैयाँ कायम भएको छ । महासंघका अनुसार आइतबार चाँदी १ हजार ३६० रुपैयाँमा कारोबार भएको थियो ।
वि.सं.२०७९ वैशाख १२ सोमवार १०:५६ मा प्रकाशित