काठमाडौं । इमर्जिङ्ग नेपाल लिमिटेडले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार कम्पनीले ७८ लाख ९७ हजार रुपैयाँ नाफा गरेको छ । जुन गत आर्थिक वर्षको चैत मसान्तसम्मको तुलनमा भने ७.७९ प्रतिशतले कमी हो । गत वर्षको सोही अवधिमा भने कम्पनीले ८५ लाख ६४ हजार रुपैयाँ नाफा गरेको थियो ।
चालु आर्थिक वर्षमा कम्पनीको प्रशासनिक खर्चहरुमा वृद्धि भएकाले नाफा घट्न पुगेको हो । कम्पनीको अन्य स्रोतमार्फत हुने आम्दानी भने ११९.६३ प्रतिशतले वृद्धि भई २ करोड ९ लाख ८१ हजार रुपैयाँ पुगेको छ । गत आवको सोही अवधिमा भने कम्पनीको यो आम्दानी ९५ लाख ५३ हजार रुपैयाँ मात्रै रहेको थियो ।
कम्पनीको चुक्ता पुँजी ५५ करोड ५६ लाख रहेको छ । कम्पनीले जगेडा तथा कोषमा भने ३ करोड ३४ लाख ६२ हजार रुपैयाँ सञ्चित गरेको छ ।
त्यसैगरी चालू आवको तेस्रो त्रैमाससम्ममा कम्पनीको प्रतिशेयर आम्दानी ६ रुपैयाँ २ पैसा र प्रतिसेयर नेटवर्थ १०६रुपैयाँ २ पैसा रहेको छ ।
वि.सं.२०७९ वैशाख १३ मंगलवार ११:०८ मा प्रकाशित