काठमाडौं । साताको तेस्रो कारोबार दिन सुनको मूल्यमा गिरावट आएको छ । मंगलबार छापावाला सुनको मूल्य तोलामा ९ सय रुपैयाँले घटेको हो ।
अघिल्लो दिन १ लाख २ सय रुपैयाँमा कारोबार भएको सुन आज घटेर ९९ हजार ३ सय रुपैयाँ कायम भएको हो ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य ९८ हजार ८ सय रुपैयाँ कायम भएको छ । तेजावी सुन सोमबार भने ९९ हजार ७ सय रुपैयाँमा खरिदबिक्री भएको थियो ।
यस्तै, साताको तेस्रो कारोबार दिन चाँदीको मूल्य भने स्थिर रहेको छ । अघिल्लो दिन १ हजार ३५० रुपैयाँमा कारोबार भएको चाँदी आज पनि सोही मूल्यमा खरिदबिक्री हुने छ ।
वि.सं.२०७९ वैशाख १३ मंगलवार ११:२८ मा प्रकाशित
