काठमाडौं । नाडेप लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
बुधवार कम्पनीले सार्वजनिक गरेको विवरण अनुसार खुद नाफामा गिरावट देखिएको छ ।चालु आवको चैतमसान्तसम्ममा कम्पनीले ५ करोड ६९ लाख ३ हजार रुपैयाँ नाफा गरेको छ । जुन गत आवको सोही अवधिको तुलनामा ४९.९८ प्रतिशतले कमी हो । गत वर्षको तेस्रो त्रैमासमा कम्पनीले ११ करोड ३७ लाख ६० हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि १९.१४ प्रतिशतले घटेर २९ करोड १७ लाख २५ हजार रुपैयाँ कायम भएको छ । गत वर्षको चैत मसान्तसम्ममा कम्पनीको यो आम्दानी ३६ करोड ७ लाख ९६ हजार रुपैयाँ रहेको थियो ।
चालु आवको तेस्रो त्रैमासमा कम्पनीको संचालन मुनाफा पनि घटेको छ । गत वर्षको चैत मसान्तसम्ममा १७ करोड ७८ लाख २८ हजार रुपैयाँ मुनाफा गरेको कम्पनीले यो वर्षको सोही अवधिमा भने ५१.२० प्रतिशतले घटेको हो । चालु आवको तेस्रो त्रैमासमा कम्पनीको यो मुनाफा ८ करोडग ६७ लाख ७८ हजार रुपैयाँ कायम भएको छ ।
कम्पनीको चुक्ता पुँजी ४८ करोड ५७ लाख ६० हजार रुपैयाँ रहेको छ । कम्पनीले जगेडा तथा कोषमा ३३ करोड ७९ लाख ४५ हजार रुपैयाँ राखेको छ ।
उक्त अवधिमा कम्पनीले खराब कर्जा पनि ०.८२ प्रतिशतले घटाएर ४.९२ प्रतिशतमा झारेको छ ।
कम्पनीको प्रतिसेयर आम्दानीमा पनि ३१ रुपैयाँ ८५ पैसाले घटेर १५ रुपैयाँ ६२ पैसा कायम भएको छ भने प्रतिसेयर नेटवर्थ १६९ रुपैयाँ ५७ पैसा रहेको छ ।
वि.सं.२०७९ वैशाख १४ बुधवार १०:१९ मा प्रकाशित