काठमाडौं । आँखुखोला जलविद्युत कम्पनीले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
चालु आवको चैत मसान्तसम्ममा कम्पनीले ३ करोड ४ लाख ५१ हजार रुपैयाँ नाफा गरेको छ । कम्पनीको यो नाफा गत वर्षको सोही अवधिका तुलनामा भने १६८.५७ प्रतिशले बढी हो । गत वर्षको तेस्रो त्रैमासमा कम्पनीले १ करोड १३ लाख ३८ हजार रुपैयाँ नाफा गरेको थियो ।
कम्पनी यस वर्ष आम्दानी बढाएकाले नाफा वृद्धि भएको हो । गत वर्षको चैत मसान्तसम्ममा १४ करोड ७८ लाख ७७ हजार रुपैयाँ आम्दानी गरेको कम्पनीले यस वर्षको सोही अवधिमा भने १७ करोड ३७ लाख ९६ हजार रुपैयाँ आम्दानी गरेको छ ।
कम्पनीको चुक्ता पुँजी ८० करोड रुपैयाँ रहेको छ । कम्पनीको जगेडा तथा कोष भने २३ करोड २९ लाख ४ हजार रुपैयाँ ऋणात्मक देखिएको छ ।
कम्पनीको प्रतिसेयर आम्दानी ५ रुपैयाँ ८ पैसा र प्रतिसेयर नेटवर्थ ७० रुपैयाँ ८९ पैसा रहेको छ ।
वि.सं.२०७९ वैशाख १८ आइतवार १२:५९ मा प्रकाशित