काठमाडौं । आँधिखोला लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले ३ करोड ४८ लाख ३१ हजार रुपैयाँ नाफा कमाएको छ । जुन गत वर्षको चैत मसान्तसम्मको तुलनामा १९.८६ प्रतिशतले बढी हो । गत वर्षको सोही अवधिमा कम्पनीले २ करोड ९० लाख ५९ हजार रुपैयाँ नाफा गरेको थियो ।
चालु आवको नौ महिनाको अवधिमा कम्पनीको खुद ब्याज आम्दानी पनि ७.४६ प्रतिशतले वृद्धि भई ५ करोड ९९ लाख ३८ हजार रुपैयाँ पुगेको छ । गत वर्षको चैत मसान्तसम्ममा कम्पनीको यो आम्दानी ५ करोड ५७ लाख ७५ हजार रुपैयाँ रहेको थियो ।
उक्त अवधिमा कम्पनीले ४ करोड ४७ लाख ८० हजार रुपैयाँ संचालन मुनाफा गरेको छ । जुन गत वर्षको चैत मसान्तसम्मको तुलनामा १८.३१ प्रतिशतले बढेको हो । गत वर्षको सोही अवधिमा कम्पनीको यो मुनाफा ३ करोड ७८ लाख ४९ हजार रुपैयाँ रहेको थियो ।
कम्पनीको चुक्ता पुँजी १० करोड रुपैयाँ रहेको छ । कम्पनीले जगेडा तथा कोषमा भने ९ करोड ५५ लाख ४८ हजार रुपैयाँ राखेको छ ।
उक्त अवधिमा कम्पनीको निष्क्रिय कर्जा पनि ०.९३ प्रतिशतले घटाएर ३.४६ प्रतिशतमा झारेको छ । गत वर्षको तेस्रो त्रैमासमा भने कम्पनीको यो कर्जा ४.३९ प्रतिशत रहेको थियो ।
कम्पनीको प्रतिसेयर आम्दानी पनि ७ रुपैयाँ ७० पैसाले वृद्धि भई ४६ रुपैयाँ ४४ पैसा कायम भएको भने प्रतिसेयर नेटवर्थ १९५ रुपैयाँ ५५ पैसा रहेको छ ।
वि.सं.२०७९ वैशाख २० मंगलवार ११:२१ मा प्रकाशित