काठमाडौं । नेपाल हाइड्रो डेभलोपर लिमिटेडले चालु आर्थिक वर्ष २०७८/७९ को तेस्रो त्रैमासमा पौन ३ करोड नाफा कमाएको छ ।
बुधवार कम्पनीले सार्वजनिक गरेको चालु आवको तेस्रो त्रैमासिक वित्तीय विवरणले यस्तो देखाएको हो ।
चालु आवको चैत मसान्तसम्ममा कम्पनीले २ करोड ८६ लाख ९९ हजार रुपैयाँ नाफा गरेको छ । जुन गत वर्षको सोही अवधिको तुलनामा १५४.६५ प्रतिशतले बढी हो । गत वर्षको तेस्रो त्रैमासमा कम्पनीले १ करोड १२ लाख ६३ हजार रुपैयाँ नाफा गरेको थियो । कम्पनीको विद्युत बिक्री आम्दानी वृद्धि भएसंगै नाफा बढेको हो ।
चालु आवको नौ महिनामा कम्पनीको विद्युत बिक्रीबाट हुने आम्दानी २५.३६ प्रतिशतले बढेर ७ करोड ५६ लाख ८९ हजार रुपैयाँ पुगेको छ । गत वर्षको चैत मसान्तसम्ममा कम्पनीको यो आम्दानी ६ करोड ३ लाख ७५ हजार रुपैयाँ मात्र रहेको थियो ।
कम्पनीको चुक्ता पुँजी ३१ करोड ९९ लाख ३० हजार रुपैयाँ रहेको छ । कम्पनीले जगेडा तथा कोषमा भने १ करोड ७८ लाख ९ हजार रुपैयाँ राखेको छ ।
कम्पनीको प्रतिसेयर आम्दानी पनि ११ रुपैयाँ ९५ पैसा पुगेको छ । गत वर्षको चैत मसान्तसम्म भने कम्पनीको यो आम्दानी ५ रुपैयाँ २ पैसा रहेको थियो ।
कम्पनीको प्रतिसेयर नेटवर्थ १०५ रुपैयाँ ५७ पैसा रहेको छ ।
वि.सं.२०७९ वैशाख २१ बुधवार १२:०२ मा प्रकाशित
