काठमाडौं । जीवन विकास लघुवित्त वित्तीय संस्थाले चालु आर्थिक वर्ष २०७८/७९ को नौ महिनामा साढे ५७ करोड बढी नाफा कमाएको छ ।
बुधवार प्रकाशित चालु आवको तेस्रो त्रैमासिक वित्तीय विवरण अनुसार कम्पनीले उक्त अवधिमा ५७ करोड ७५ लाख ९८ हजार रुपैयाँ नाफा गरेको छ ।
जुन गत वर्षको सोही अवधिको तुलामा भने भने २.४२ प्रतिशतले मात्र बढी हो । गत वर्षको तेस्रो त्रैमासमा कम्पनीको नाफा ५६ करोड ३९ लाख ३९ हजार रुपैयाँ रहेको थियो ।
चालु आवको तेस्रो त्रैमासमा कम्पनीको खुद ब्याज आम्दानी २०.३८ प्रतिशतले बढेर १ अर्ब २० करोड ६९ लाख ५९ हजार रुपैयाँ पुगेको छ । कम्पनीको यो आम्दानी गत वर्षको सोही अवधिमा भने १ अर्ब २५ लाख ९५ हजार रुपैयाँ रहेको थियो ।
कम्पनीले गत वर्षको तेस्रो त्रैमासमा २९ करोड २९ लाख १५ हजार रुपैयाँ संचालन मुनाफा गरेकोमा यस वर्ष भने ७१.६२ प्रतिशतले बढाएको छ । योसंगै कम्पनीको संचालन मुनाफा ६० करोड २६ लाख ९६ हजार रुपैयाँ रहेको छ ।
उक्त अवधिमा कम्पनीले २७ करोड ८६ लाख ३६ हजार रुपैयाँ खराब कर्जा संकलन गरेको छ । तर, गत वर्षको तेस्रो त्रैमासको तुलानामा भने कम्पनीको खराब कर्जा संकलन ५१ प्रतिशतले घटेको हो ।
कम्पनीको चुक्ता पुँजी १ अर्ब ३ करोड ४२ लाख ८० हजार रुपैयाँ रहेको छ । कम्पनीे जगेडा तथा कोषमा भने १ अर्ब ३३ करोड ७१ लाख ६ हजार रुपैयाँ राखेको छ ।
उक्त अवधिमा कम्पनीको निष्क्रिय कर्जा पनि झिनो वृद्धि भएको छ । गत वर्षको चैत मसान्तसम्मा ०.६० प्रतिशत रहेको निष्क्रिय कर्जा यस वर्षको सोही अवधिमा भने बढेर ०.८३ प्रतिशत पुगेको छ ।
कम्पनीको प्रतिसेयर आम्दानी ७४ रुपैयाँ ४६ पैसा र प्रतिसेयर नेटवर्थ २४७ रुपैयाँ ८९ पैसा रहेको छ ।
वि.सं.२०७९ वैशाख २१ बुधवार १२:३१ मा प्रकाशित
