काठमाडौं । नेपाल प्रहरी प्रधान कार्यालय केन्द्रीय अनुसन्धान ब्यूरो (सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरी भक्तपुर नगरपालिका–२ व्यासी बस्ने ४७ वर्षीय बिकु बहादुर सवाललाई बैंकिङ्ग कसूर मुद्दामा प्रक्राउ गरेको हो ।
सुवालले २०७६ माघ २७ मा एनआईसी एशिया बैंकमा रहेको आफ्नो खाताबाट रकम भुक्तान हुन भनि पर्याप्त मौज्दात रकम नभएको भन्ने जानी जानी झुक्यानमा चारी चेक काटेर दिएका थिए ।
उनलाई चेकको रकम भुक्तान हुन नसकेको ठहर गर्दै उच्च अदालत पाटनले गत फागुन ३० गते बैंकिङ्ग कसूर तथा साजय ऐन २०६४ बमोजिम ६ दिन कैद र २४ लाख ५९ हजार ८२२ रुपैयाँ जरिवाना हुने फैसला गरेको थियो ।
उनलाई आज अर्थात बैशाख २१ गते व्यासी भक्तपुरबाट पक्राउ गरि फैसला कार्यान्वयनका लागि जिल्ला अदालत ललितपुर पेश गरिएको प्रहरीले जनाएको छ ।
वि.सं.२०७९ वैशाख २१ बुधवार १७:०४ मा प्रकाशित
