काठमाडौं । नबिल बैंकले विशेष साधारण सभाका लागि मिति तय गरेको छ । बैंकले आउदो जेठ ७ गते विशेष साधारण सभा बस्ने भएको हो ।
बैंकको बैशाख २२ गते बिहान ९ बजे बसेको ५९५औं बैठकले विशेष साधारण सभाका लागि मिति तय गरेको हो ।
साथै विशेष साधारण सभा प्रयोजनका लागि बैंकले बैशाख ३० गते एक दिनका लागि बुक क्लोज गर्ने भएको छ ।
बैंकले नेपाल बंगलादेश बैंक (एनबी) गाभ्ने अन्तिम तयारीमा रहेको छ । जसका लागि एक्विजिसनको अख्तियारी प्रस्ताव पारित गर्न नबिल बैंकले विशेष साधारणसभा पनि बोलाएको हो । आगामी असार भित्रै एक्विजिसनको प्रकृया सक्ने तयारी रहेको बैंकले जनाएको छ ।
नबिल बैंकले एनबी बैंकलाई गाभ्नका लागि गत पुस २९ गते प्रारम्भिक सम्झौता गरेको थियो ।
वि.सं.२०७९ वैशाख २२ बिहीवार १३:१५ मा प्रकाशित