काठमाडौं । बुधवार सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य तोलामा १ हजार रुपैयाँले घटेको छ ।
अघिल्लो दिन ९८ हजार रुपैयाँमा कारोबार भएको सुन आज घटेर ९७ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तजावी सुनको मूल्य भने ९६ हजार ५ सय रुपैयाँ कायम भएको छ ।तेजावी सुन अघिल्लो दिन ९७ हजार ५ सय रुपैयाँमा खरिदबिक्री भएको थियो ।
यस्तै, साताको चौथो कारोबार दिन चाँदीको मूल्यमा पनि गिरावट आएको छ । आज चाँदी तोलामा ३० रुपैयाँले घटेर १ हजार २४५ रुपैयाँ कायम भएको छ । मंगलबार चाँदी १ हजार २७५ रुपैयाँमा कारोबार भएको थियो ।
वि.सं.२०७९ वैशाख २८ बुधवार १०:५३ मा प्रकाशित
