काठमाडौं । नेपाल स्टक एक्सचेञ्ज (नेप्से)मा दुई कम्पनीको ८४ लाख ३९ हजार कित्ता बढी सेयर सूचीकृत भएको छ ।
मंगलबार नेप्सेमा मल्टीपर्पस फाइनान्सको १३ प्रतिशत बापतको ५ लाख २० हजार बोनस सेयर र सूर्योदय वोमी लघुवित्त वित्तीय संस्थाको ७९ लाख १९ हजार ८४८ कित्ता सेयर सूचीकृत भएको हो ।
मल्टीपर्पस फाइनान्सको बोनस सेयर अब सम्वन्धित सेयरधनीहरुको हितग्राही खातमा जम्मा भएपछि खरिदबिक्री गर्न सक्नेछन् ।
नेप्सेमा सूर्याेदय लघुवित्त वित्तीय संस्था र वोमी लघुवित्त एक आपसमा १ः१ को अनुपातमा गाभिँदा कायम हुन आएको प्रतिसेयर अंकित तथा चुक्ता मूल्य एक सय रूपैयाँ दरको ७९ लाख १९ हजार ८ सय ४८ कित्ता सेयर धितोपत्र सूचिकरण विनियमावली, २०७५ बमोजिम नेप्सेमा कारोबार हुन सक्ने गरी सूचिकृत भएको हो ।
संस्थाले पहिलो कारोबारका लागि एक हजार ३ सय ७३ रूपैयाँ ४० पैसा ओपनिङ्ग रेञ्ज पाएको छ ।
वि.सं.२०७९ वैशाख २८ बुधवार १२:४६ मा प्रकाशित