काठमाडौं । नेपाल प्रहरी प्रधान कार्यालय केन्द्रीय अनुसन्धान ब्यूरो (सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले जिल्ला काठमाडौ,टोखा न.पा.वडा २ बस्ने बर्ष २७ का रामराज खड्कीलाई बैंकिङ्ग कसूर मुद्दामा प्रक्राउ गरेको हो ।
खड्काले २०७७ साउन १४ मा प्रभु बैंकमा रहेको आफ्नो खाताबाट रकम भुक्तान हुन भनि पर्याप्त मौज्दात रकम नभएको भन्ने जानी जानी झुक्यानमा चारी चेक काटेर दिएका थिए ।
उनलाई चेकको रकम भुक्तान हुन नसकेको ठहर गर्दै उच्च अदालत पाटनले गत चैत २५ गते बैंकिङ्ग कसूर तथा सजाय ऐन २०६४ बमोजिम ३ दिन कैद र १० लाख रुपैयाँ जरिवाना हुने फैसला गरेको थियो ।
उनलाई बैशाख २७ गते मनमैजु काठमाडौंबाट पक्राउ गरि फैसला कार्यान्वयनका लागि जिल्ला अदालत ललितपुर पेश गरिएको प्रहरीले जनाएको छ ।
वि.सं.२०७९ वैशाख २८ बुधवार १३:०५ मा प्रकाशित