काठमाडौं । साताको अन्तिम कारोबार दिन सेयर बजारमा दोहोरो अंकको गिरावट आएको छ ।
विहीबार बजार १८.६४ अंकले घटेको छ । उक्त दिन बजार परिसुचक २३५०.४२ अंकको बिन्दुमा पुगेर बन्द भएको छ । आज उत्पादक तथा प्रशोधन समूह ८०.२५ अंक र अन्य समूह ७.३९ अंकले वृद्धि भएको छ । उक्त दिन यी बाहेकका सबै समूहहरु राताम्मे बनेका छन् ।
आज कारोबार रकममा भने सुधार देखिएको छ । अघिल्लो दिन सवा २ अर्व बढीको कारोबार भएकोमा आज भने २ अर्ब ३२ करोड ८४ लाख ३४ हजार रुपैयाँ बराबरको सेयर खरिदबिक्री भएको छ।
आज सबैभन्दा बढी शिवम सिमेन्टको सेयर कारोबार भएको छ । उक्त दिन कम्पनीको ११ करोड १० लाख ६७ हजार रुपैयाँ बराबरको सेयर कारोबार भएको हो ।
कारोबार रकमका आधारमा दोस्रो स्थानमा रहेको राधी विद्युत कम्पनीको ८ करोड १० लाख ३४ हजार रुपैयाँ बराबरको सेयर खरिदबिक्री भएको छ ।
यस्तै, आज अरुण भ्यालीको ८ करोड ८ लाख २४ हजार रुपैयाँ बराबरको सेयर कारोबार भएको छ ।
वि.सं.२०७९ वैशाख २९ बिहीवार १५:२४ मा प्रकाशित