काठमाडौं । मर्जरमा जानका लागि दुई वाणिज्य बैंकले विशेष साधारणसभा बोलाएका छन् ।
मर्जरको विशेष प्रस्ताव पारित गर्न नविल बैंक र नेपाल बंगलादेश बैंकले विशेष साधारण सभा बोलाएका हुन् ।
नबिल बैंकल आउँदो जेठ ७ गते विशेष साधारण सभा बोलाएको हो । बैंकको वैशाख २० गते बसेको सञ्चालक समितिको बैठकले उक्त दिन सभा गर्ने निर्णय गरेको हो ।
सभामा नबिल बैंकले नेपाल बङ्गलादेश बैंकलाई प्राप्ती गर्ने विशेष प्रस्ताव पारित गर्नेछ । विशेष साधारण सभा प्रयोजनका लागि बैंकले वैशाख ३० गते एकदिन बुकक्लोज गरेको छ ।
यस्तै, नेपाल बङ्गलादेश बैंकको वैशाख २२ गते बसेको सञ्चालक समितिको बैठकले गरेको निर्णय अनुसार बैंकको विशेष साधारण सभा जेठ ७ गते सभा गर्ने भएको हो । सभा भर्चुअल रूपमा बिहान ११ बजेदेखि सुरू हुनेछ ।
सभामा नबिल बैंकले नेपाल बंगलादेश बैंक लिमिटेडलाई प्राप्ति गर्ने विशेष प्रस्ताव पारित गरिनेछ । नबिल बैंकले नेपाल बंगलादेश बैंकलाई १००ः४३ को अनुपातमा प्राप्ति गर्न लागेको हो ।
नेपाल बंगलादेश बैंकका सेयरधनीहरूले आफ्नो १०० कित्ता सेयर बराबर नबिल बैंकको ४३ कित्ता सेयर प्राप्त गर्नेछन् ।
विशेष साधारण सभा प्रयोजनका लागि बैंकले वैशाख ३० गते एक दिन बुकक्लोज गरेको छ ।
वि.सं.२०७९ जेठ २ सोमवार १६:४० मा प्रकाशित