काठमाडौं । उदयपुर सिमेन्ट उद्योग लिमिटेडले साधारण सभाका लागि मिति तय गरेको छ ।
कम्पनीले ३४औं वार्षिक साधारण सभा आउँदो जेठ ३० गते सोमबार गर्ने भएको हो । उद्योगको संचालक समितिको गत चैत १७ गते बसेको बैठकले उक्त दिन सभा गर्ने निर्णय गरेको हो ।
सभामा आर्थिक वर्ष २०७७/७८ को संचालक समितिको प्रतिवेदन उपर छलफल गरि पारित हुनेछ । सभाका विशेष प्रस्तावमा प्रवन्ध पत्र तथा नियमावलीमा आवश्यक संशोधन गर्ने रहेको छ ।
सभाले आव २०७७/७८ मा महालेखा परीक्षकको कार्यालयबाट नियुक्त लेखापरीक्षक र निजले पाउने पारिश्रमिक अनुमोदन गर्ने र आव २०७८/७९ को लागि लेखापरीक्षक नियुक्ति र निजको पारिश्रमिक तोक्नेछ ।
यसका साथै सभामा लेखापरीक्षकको प्रतिवेदन सहित २०७८ असार मसान्तको वासलात तथा सोही मितिमा समाप्त आवको नाफा नोक्सान हिसाब, बाँडफाँड तथा नगद प्रवाह विवरण लगायतका सम्पूर्ण वित्तीय विवरण उपर छलफल गरि पारित गर्नेछ ।
वि.सं.२०७९ जेठ ९ सोमवार ०८:०९ मा प्रकाशित