काठमाडौं । नबिल बैंकको प्रमुख कार्यकारी अधिकृत (सीईओ) मा ज्ञानेन्द्र ढुंगाना नियुक्त भएका छन् ।
सोमबार बसेको नबिल बैंक सञ्चालक समितिको बैठकले ढुंगानालाई आगामी ४ बर्षका लागि सीईओमा नियुक्त गरेको हो ।
सीईओ अनिल शाहको कार्यकाल सकिन लाग्दा ढुंगाना नियुत्त भएका हुन् । सीईओ शाहको कार्यकाल सकिएको दोस्रो दिनदेखि नै ढुंगानाले सीईओको पदभार ग्रहण गर्नेछन् ।
ढुंगाना गत पौष १६ गते नेपाल बङ्गलादेश बैंकको सीईओमा एक दशक कार्यकाल सकेर विदाई भएका थिए । उनले बैंकिङ्ग क्षेत्रमा ३ दशक बिताएका छन् ।
ढुंगानाको अहिले कुलिङ पिरियड चलिरहेको छ । कुलिङ पिरियड सकिएपछि आउँदो असार १७ गते नबिल बैंकको सीईओ पद सम्हाल्ने छन् ।
वि.सं.२०७९ जेठ १० मंगलवार ०८:३३ मा प्रकाशित
