काठमाडौं । नेपाल स्टक एक्सचेञ्ज (नेप्से) मा थप तीन कम्पनीको २८ लाख ६५ हजार ९१९ कित्ता सेयर सूचीकृत भएको छ ।
मंगलबार नेप्सेमा दुई कम्पनीको ९ लाख ८ हजार कित्ता बढी बोनस र एक कम्पनीको १९ लाख ५७ हजार कित्ता हकप्रद सेयर सूचीकृत भएको हो ।
मंगलबार नेप्सेमा सेन्ट्रल फाइनान्सको ७.७० प्रतिशत बापतको ६ लाख ७८ हजार ३९७.४९५९ कित्ता र साल्ट ट्रेडिङ कर्पोरेशनको १० प्रतिशत बापतको २ लाख ३० हजार ४८२.९० कित्ता बोनस सेयर नेप्सेमा सूचीकृत भएको हो ।
यस्तै, नेप्सेमा समृद्धि फाइनान्स कम्पनीको ५० प्रतिशत हकप्रद वापतको १९ लाख ५७ हजार ३९ कित्ता सेयर सूचीकृत भएको हो ।
यी तीनै वटा कम्पनीको सेयर अब सम्वन्धित सेयरधनीहरुको हितग्राही खातामा जम्मा भएपछि खरिदबिक्री गर्न सक्नेछन् ।
वि.सं.२०७९ जेठ १० मंगलवार १४:१५ मा प्रकाशित