काठमाडौं। काठमाडौं महानगरपालिकाले आइतबार सार्वजनिक बिदाको दिन पनि तीन घण्टा राजस्व संकलन गर्ने भएको छ।
राजस्व बुझाउने करदाताको सुविधाको लागि महानगरपालिकाले हरेक आइतबार बिहान ८ बजेदेखि ११ बजेसम्म कर बुझाउन मिल्ने गरी सेवा संचालन गर्ने जनाएको छ।
जसका लागि महानगरपालिकाको राजस्व विभाग तथा सबै वडा कार्यालयहरु राजस्व संकलनका लागि आइतबार खुला रहने महानगरले जनाएको छ।
पेट्रोलियम पदार्थको खपत कम गर्न भन्दै सरकारले जेठ १ देखि परीक्षणका लागि शनिबारका अतिरिक्त आइतबार सार्वजनिक बिदा दिने घोषणा गरेको थियो।
वि.सं.२०७९ जेठ ११ बुधवार १२:३२ मा प्रकाशित