काठमाडौं । हिमालयन रिइन्स्योरेन्स कम्पनीले विशेष साधारण सभाका लागि मिति तय गरेको छ ।
कम्पनीले आउँदो जेठ २७ गते विशेष साधारण सभा गर्ने भएको हो । कम्पनीको जेठ १२ गते बसेको संचालक समितिको बैठकले विशेष साधारण सभा गर्ने निर्णय गरेको हो ।
सभा होटल अल्फट, ठमेल काठमाडौंमा दिउँसो २ बजे शुरु हुनेछ । सभाले सर्वसाधारणको लागि प्रिमियममा आईपीओ निष्काशन गर्ने प्रस्ताव पारित गर्नेछ ।
सभाले कम्पनीको प्रवन्धपत्र र नियमावलीमा आवश्यक संशोधन गर्ने र सो कार्य गर्न सञ्चालक समितिलाई सम्पूर्ण अधिकार प्रत्यायोजन गर्नेछ ।
वि.सं.२०७९ जेठ १२ बिहीवार ११:०६ मा प्रकाशित
