काठमाडौं । साताको अन्तिम कारोबार दिन दुई कम्पनीको सेयर मूल्यमा उच्च वृद्धि भएको छ ।
शुक्रबार रुरु जलविद्युत परियोजना र नारायणी डेभलपमेन्ट बैंकको सेयर मूल्य उच्च दरमा वृद्धि भएको हो ।
उक्त दिन रुरु जलविद्युत परियोजनाको सेयर मूल्य ६.१३ प्रतिशत अर्थात प्रतिकित्ता ५२ रुपैयाँले वृद्धि भएको हो । योसंगै कम्पनीको सेयर मूल्य ९ सय रुपैयाँ पुगेको छ ।
यस्तै, उक्त दिन नारायणी डेभलपमेन्ट बैंकको सेयर मूल्य ५.३१ प्रतिशतले वृद्धि भएको छ । आज कम्पनीको सेयर मूल्य २० रुपैयाँले वृद्धि भई ३९७ रुपैयाँ कायम भएको छ ।
उक्त दिन उकार लघुवित्त वित्तीय संस्थाको सेयर मूल्य ४.०४ प्रतिशत, युनाईटेड इदी मर्दी आरवि हाइड्रोपावरको ४.०१ प्रतिशतले वृद्धि भएको छ ।
वि.सं.२०७९ जेठ १३ शुक्रवार १५:३६ मा प्रकाशित