काठमाडौं । हिमालयन रिइन्स्योरेन्स कम्पनीले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
चालु आवको नौ महिनाको कम्पनीले १९ करोड ६४ लाख ५७ हजार रुपैयाँ नाफा आर्जन गरको छ । कम्पनीको यो नाफा अघिल्लो त्रैमासको तुलनामा ५७.४३ प्रतिशतले वृद्धि भएको हो ।
अघिल्लो त्रैमास कम्पनीले १२ करोड ४७ लाख ८८ हजार रुपैयाँ नाफा गरेको थियो । उक्त अवधिमा कम्पनीको आम्दानी वृद्धि भएकाले नाफा बढ्नामा टेवा पुगेको हो ।
अघिल्लो त्रैमासको तुलनामा कम्पनीको आम्दानी ५७.०९ प्रतिशतले वृद्धि भई यस त्रैमासमा ३२ करोड ९ लाख ८१ हजार रुपैयाँ पुगेको छ ।
चालु आवको नौ महिनाको कम्पनीको कुल बीमा शुल्क आर्जन ५२ करोड ५९ लाख ६६ हजार रुपैयाँ रहेको छ ।
कम्पनीको चुक्ता पँजी ७० करोड रुपैयाँ रहेको छ । कम्पनीले जगेडा कोषमा २० करोड ६ लाख ४ हजार रुपैयाँ राखेको छ । यस्तै, बीमा कोषमा ४८ लाख १९ हजार, महाविपत्ती कोषमा भने ४ लाख ६० हजार रुपैयाँ मात्र राखेको छ ।
कम्पनीले सर्वसाधारणहरुका लागि प्रिमियममा आईपीओ निष्काशन गर्ने तयारीमा रहेको छ ।
आईपीओ जारी गर्ने प्रस्ताव पारितका लागि कम्पनीले आउँदो जेठ २७ गते विशेष साधारण सभा बोलाएको छ ।
वि.सं.२०७९ जेठ १५ आइतवार ११:३७ मा प्रकाशित