काठमाडौं । नेपाल क्रेडिट एण्ड कमर्स (एनसीसी) बैंकले संस्थापक सेयर बिक्री गर्ने भएको छ ।
बैंकले ६ जना संस्थापक सेयरधनीहरुको नाममा रहेको १ लाख ९२ हजार बढी कित्ता संस्थापक सेयर बिक्री गर्न लागेको हो ।
एक सूचना निकाल्दै बैंकले संस्थापक सेयरधनी सुनिता नेवटियाको नाममा रहेको ५ हजार ८४ कित्ता, अनिता श्रेष्ठको ७ हजार ७६२६, बोध प्रसाद त्रिपाठीको ५४ हजार, श्याम बहादुर महर्जन १५ हजार २५१, ठगेन्द्र लक्ष्मी केसीको ७ हजार ६२६ र श्री मानाङ्क इन्भेष्टमेण्ड प्रा.लि.को १ लाख ३ हजार ३९ कित्ता संस्थापक सेयर बिक्री गर्न लागेको जनाएको छ ।
उक्त संस्थापक सेयर खरिद गर्न इच्छुक योग्य बैंकका विद्यमान संस्थापक सेयरधनीहरुले आवेदन दिन सक्नेछन् । सेयर खरिदका लागि आजैका मितिले ३५ दिनभित्र बैंकको बाग बजार स्थित सेयर विभागमा लिखित निवेदन दिनुपर्नेछ ।
तोकिएको उक्त म्यादभित्र संस्थापक सेयरधनीहरुले सेयर खरिदका लागि कुनै पनि लिखित प्रस्ताव नगरेको खण्डमा प्रचलित कानून बमोजिम अन्य बिक्री प्रक्रिया अघि बढाईने सूचनामा उल्लेख छ ।
वि.सं.२०७९ जेठ १८ बुधवार ११:३४ मा प्रकाशित