काठमाडौं । आईपीओ निष्काशनका लागि थप दुई कम्पनीले अनुमति पाएका छन् ।
नेपाल धितोपत्र बोर्डले सयपत्री हाइड्रोपावर र मन्दाकिनी हाइड्रोपावर कम्पनीलाई आईपीओ निष्काशनको अनुमति दिएको हो ।
यी दुवै कम्पनीले आयोजना तथा सर्वसाधारणका लागि आईपीओ निष्काशन गर्न जेठ १८ गते बोर्डबाट अनुमति पाएका हुन् ।
सयपत्री हाइड्रोपावरले ९ करोड रुपैयाँ बराबरको ९ लाख कित्ता आईपीओ निष्काशनका लागि अनुमति पाएको हो ।
कम्पनीको आईपीओ निष्काशन तथा बिक्री प्रबन्धकमा एनआईबिएल लिमिटेड रहेको छ।
यस्तै, मन्दाकिनी हाइड्रोपावर कम्पनीले पनि १७ करोड ६४ लाख ११ हजार रुपैयाँ बराबरको १७ लाख ६४ हजार ११० कित्ता आईपीओ निष्काशन गर्न अनुमति पाएको हो ।
कम्पनीको आईपीओ निष्काशन तथा बिक्री प्रबन्धकमा बिओके क्यापिटल लिमिटेड रहेको छ ।
वि.सं.२०७९ जेठ १९ बिहीवार १७:४४ मा प्रकाशित
