काठमाडौं । सरकारले रगतको मूल्य बढाएको छ। स्वास्थ्य तथा जनसंख्या मन्त्रालयले गत चैत २२ गते रगतको मूल्य बढाउने सचिवस्तरीय निर्णय गरेको थियो। सोही निर्णयलाई राष्ट्रिय जनस्वास्थ्य प्रयोगशालाले कार्यान्वयन गरेको हो।
प्रयोगशालाले प्रतियुनिट रगत सेवा शुल्क ८१० रुपैयाँदेखि अधिकतम १ हजार ६४० रुपैयाँसम्म कायम गरेको छ। यसअघि प्रतियुनिट रगतको मूल्य ५२५ रुपैयाँ थियो।
प्रयोगशालाका अनुसार ब्लड ब्यागको १५० रुपैयाँ र ट्रान्सफ्युजन सेटको १०० रुपैयाँ कायम गरिएको छ। यसअघि ब्लड ब्यागको ८० रुपैयाँ र ट्रान्सफ्युजन सेटको ३० रुपैयाँ पर्थ्यो।
वि.सं.२०७९ जेठ २२ आइतवार १३:५६ मा प्रकाशित
