काठमाडौं । थप तीन कम्पनीहरुले बोनस सेयर वितरण सुरु गरेका छन् ।
दुई लघुवित्तसहित तीन कम्पनीहरुले सम्वन्धित सेयरधनीहरुको हितग्राही खातामा बोनस सेयर जम्मा गरिदिएका हुन् ।
सपोर्ट लघुवित्त वित्तीय संस्था, समता घरेलु लघुवित्त वित्तीय संस्था र नेको इन्स्योरेन्स कम्पनीले सम्वन्धित सेयरधनीहरुको हितग्राही खातामा बोनस सेयर पठाएका हुन् ।
कम्पनीहरुको बोनस सेयर धितोपत्र दोस्रो बजारमा सूचीकृत पश्चात सम्बन्धित सेयरधनीहरूको हितग्राही खातामा जम्मा गरिदिएका हुन् ।
सपोर्ट लघुवित्त वित्तीय संस्था बोनस सेयर वितरण सुरु गरेको छ । कम्पनीले ३० प्रतिशत बोनस सेयर सम्बन्धित सेयरधनीहरूको हितग्राही खातामा जम्मा गरेको हो ।
कम्पनीले गत पुस १० गते सम्पन्न सातौं वार्षिक साधारण सभाबाट पारित उक्त बोनस सेयर कम्पनीले हितग्राही खातामा जम्मा गरिदिएको जनाएको छ ।
यस्तै, नेको इन्स्योरेन्स कम्पनीले पनि १५ प्रतिशत बोनस सेयर सम्वन्धित सेयरधनीहरुको हितग्राही खातामा पठाएको छ ।
कम्पनीको चैत ९ गते सम्पन्न २६औं वार्षिक साधारण सभाले पारित गरेको उक्त बोनस सेयर सेयरधनीहरुको हितग्राही खातामा जम्मा गरिदिएको हो ।
त्यसैगरि समता घरेलु लघुवित्त वित्तीय संस्थाले पनि सम्वन्धित सेयरधनीहरुको हितग्राही खातामा बोनस सेयर जम्मा गरिदिएको छ ।
कम्पनीले गत पुस ७ गते सम्पन्न आठौं साधारण सभाबाट पारित २० प्रतिशत बोनस सेयर सेयरधनीको हितग्राही खातामा जम्मा गरिदिएको हो ।
वि.सं.२०७९ जेठ २४ मंगलवार १३:०० मा प्रकाशित