काठमाडौं । मर्जर प्रस्ताव पारितका लागि दुई कम्पनीले विशेष साधारण सभा डाकेका छन् ।
हिमालयन जनरल इन्स्योरेन्स र एभरेष्ट इन्स्योरेन्स कम्पनीले एक आपसमा गाभिने प्रयोजनका लागि विशेष साधारण सभा बोलाएका हुन् ।
यी दुवै कम्पनी आउँदो असार २ गते छुट्टाछुट्टै सभा गर्न लागेका हुन् । हिमालयन जनरल इन्स्योरेन्स कम्पनीले असार २ गते बिहान ११ बजे एयरपोर्ट होटल एयरपोर्ट, काठमाडौंमा सभा गर्ने भएको हो ।
कम्पनीले एभरेष्ट इन्स्योरेन्स कम्पनीलाई एक आपसमा गाभिने प्रयोजनको लागि विषेश साधारण सभा बोलाएको हो । कम्पनीको जेठ १५ गते बसेको सञ्चालक समितिको बैठकले विशेष साधारण सभा गर्ने निर्णय गरेको हो ।
मर्जर प्रक्रिया शुरु भएसँगै गत वैशाख २३ गतेदेखि कम्पनीको सेयर कारोबार रोक्का रहेको छ ।
यस्तै, सोही दिन अर्थात आउँदो असार २ गते एभरेष्ट इन्स्योरेन्सले पनि विशेष साधारण सभा बोलाएको छ ।
गत जेठ १५ गते बसेको सञ्चालक समिति बैठकले विशेष साधारण सभा गर्ने निर्णय गरेको हो । विषेश साधारण सभा बिहान ११ बजे अग्रवाल भवन, कमलपोखरी काठमाडौंमा शुरु हुनेछ ।
सभामा कम्पनी र हिमालयन जनरल इन्स्योरेन्स कम्पनी एक आपसमा गाभिने प्रस्ताव पेश हुँदैछ । मर्जरमा जानेभएपछि अहिले यी दुवै कम्पनीको सेयर कारोबार रोक्का रहेको छ ।
वि.सं.२०७९ जेठ २६ बिहीवार १६:२७ मा प्रकाशित