काठमाडौं । पछिल्लो समयमा मोटरसाइकल अत्यावश्यक साधान बनिसकेको छ । व्यक्तिदेखि व्यवसायीहरुसम्मका लागि नभई नहुने अत्यावश्यक साधनको रुपमा लिन थालिसकिएको छ ।
बढ्दो सवारी चापले गर्दा सार्वजनिक सवारी साधानमा हुने ढिलाईका कारण पनि नेपालमा मोटरसाइकल प्रयोगकर्ताहरुको संख्यामा तिव्र वृद्धि भएको छ । नेपालमा फरक–फरक आर्थिक स्तर र फरक–फरक रुचि अनुसार विभिन्न प्रकारका मोटरसाइकलहरु प्रयोग हुँदै आएका छन् ।
सहजताका लागि मोटरसाइकलको प्रयोग बढ्दै गएका कारण अहिले यो शोख भन्दा पनि आवश्यकता बनिसकेको छ ।
यसैविच आवश्यकता, शौख लगायतलाई मध्यनजर गर्दै मोटरहेड मोटरसाइकल नेपाली बजारमा उपलब्ध रहेका छन् । नेपाली बजारमा मोटरहेडका विभिन्न ७ मोडेलहरु उपलब्ध रहेको छन् ।
मोटरहेड मोटरसाइकलको नेपालका लागि अधिकृत बिक्रेता एसएलआर कम्पनी रहेको छ । कम्पनीले अफ रोड मोटरसाइकलहरु चीनबाट आयात गर्दछ । एसएलआर टेक्नो एन्ड ट्रेड कम्पनिले विगत ५ बर्षदेखि मोटरहेड ब्रान्डको डार्ट, क्रसओभर र स्क्र्याम्ब्लर सेग्मेन्टका बाइकलाई बिक्रि गर्दै आएको छ । त्यसबाहेक, कम्पनीले क्रसओभर र स्क्र्याम्बलर सेगमेन्टहरूलाई पनि लोकप्रिय बनाउन धेरै प्रयास गरेको छ ।
मोटरहेड बाइक नेपालको सबै भू–भागको लागि उपयुक्त हुनुको साथै यसको फराकिलो र ठूलो टायर, उच्च ग्राउन्ड क्लियरन्स, प्रशंसनीय पिक अप, पावर र आरामका लागि परिचित रहेको कम्पनीको दाबी छ । मोडलमा राम्रो पिकअप, आकर्षक डिजाइन र रङ भएकाले पनि यो लोकप्रिय बन्न पुगेको छ ।
नेपाली बजारमा उपलब्ध मध्ये युवा पुस्ताले अत्याधिक रुचाईएको बाइक हो ‘टेक्कन आर २५०’ । टेक्कन आर २५० मा २२३ सीसी क्षमताको इन्जिन र १४ लिटर फ्युल ट्यांक क्षमता रहेको छ ।
यो बाइकले अधिकतम १२.५ किलोवाट पावर र टर्क १७ एनएम दिने बताइएको छ । टेक्कन आर २५० नेपाली बजारमा ४ लाख १५ हजार रुपैयाँ पर्दछ ।
टेक्कन आर २५० मा कडा चेसिसरफ्रेम, शानदार ग्राफिक्स, स्टाइलिस हेडलाइट, स्लिक सेप इन्डिकेटर, इन्बिल्ट इन्जिन लेग गार्ड, डबल डिस्क ब्रेक र आरामदायी सिट रहेको छ ।
फराकिलो र ठूलो टायर, उच्च ग्राउन्ड क्लियरेन्स, उच्चतम पर्फमेन्स र आरामदायी फिचर्स भएको मोटरहेड मोटरसाइकल नेपालको सबै भूगोलका लागि उपयुक्त हुनुको साथै युवाहरु माझ झनै लोकप्रिय बन्दै गएको छ ।
वि.सं.२०७९ जेठ २६ बिहीवार १८:४२ मा प्रकाशित