काठमाडौं । दोर्दी खोला जलविद्युत कम्पनीको आईपीओमा आवेदन दिन अन्तिम दिन नजिकिएको छ ।
कम्पनीले जेठ २६ गतेदेखि आयोजना प्रभावित स्थानीयमा बाँडफाँट गरी बिक्री हुन बाँकी रहेको २ लाख ९७ हजार ८४० कित्ता सहित गरी प्रतिकित्ता १ सय रुपैयाँ अंकित दरका २१ लाख ९५ हजार ५०९ कित्ता आईपीओ निष्काशन गरेको हो ।
सर्वसाधारणमा वितरण गरिने कुल कित्ता आईपीओमध्ये ६५ हजार ८६५ कित्ता कर्मचारीहरुका लागि, १ लाख ९ हजार ७७५ कित्ता सामूहिक लगानी कोषहरुलाई र बाँकी २० लाख १९ हजार ८३९ कित्ता सर्वसाधारणहरुका छुट्याएको छ ।
कम्पनीको आईपीओमा न्यूनतम १० कित्तादेखि अधिकतममा १७ लाख कित्तासम्म भर्न पाईने छ ।
आवेदन छिटोमा जेठ ३१ गतेसम्म ढिलोमा असार ९ गतेसम्म दिन सकिने कम्पनीले जनएको छ ।
कम्पनीको आईपीओ निष्काशन तथा बिक्री प्रवन्धकमा सिद्धार्थ क्यापिटल लिमिटेड रहेको छ ।
वि.सं.२०७९ जेठ २९ आइतवार १२:५२ मा प्रकाशित