काठमाडौं । सानिमा लाईफ इन्स्योरेन्स कम्पनीले साधारण सभाका लागि मिति तय गरेको छ ।कम्पनीले आउँदो असार २० गते चौथो वार्षिक साधारण सभा गर्ने भएको हो ।
कम्पनीको जेठ २५ गतेको सञ्चालक समितिको बैठकले उक्त दिन सभा गर्ने निर्णय गरेको हो । सभा स्मार्ट दरबार ब्यांक्वेट, धुम्बाराही, काठमाडौंमा भर्चुअल माध्यमबाट हुनेछ ।
सभामा ४.२ प्रतिशत बोनस सेयर र कर प्रयोजनका लागि ०.२२ प्रतिशत नगद लाभांश वितरणको प्रस्ताव पारित हुनेछ ।
यस्तै, सभाले अघिल्लो आर्थिक वर्ष २०७६/७७ सम्मको वार्षिक प्रतिवेदन सहितका वित्तीय विवरणहरू पारित गर्नुका साथै गत आर्थिक वर्षको लागि लेखापरीक्षक नियुक्ती र निजको पारिश्रमिक निर्धारण गर्नेछ ।
सोही सभाले सर्वसाधारणको तर्फबाट प्रतिनिधित्व हुने गरी एक जना सञ्चालकको निर्वाचन गर्ने, अन्य कुनै जीवन बीमा कम्पनीसँग मर्जर तथा प्राप्ति प्रक्रियामा जाने कार्यका लागि आवश्यक सम्पूर्ण जिम्मेवारी सञ्चालक समितिलाई दिने निर्णय पनि सभाले गर्नेछ ।
सभा प्रयोजनका लागि कम्पनीले असार ८ गते (एक दिन) बुक क्लोज गर्ने भएको छ ।
वि.सं.२०७९ जेठ ३० सोमवार १२:२५ मा प्रकाशित