काठमाडौं । बिन्ध्यबासिनी हाइड्रोपावर कम्पनीको आईपीओ बाँडफाँडका लागि तयारी थालिएको छ । कम्पनीको आईपीओ बाँडफाँडका लागि यति बेला डाटा भेरिफीकेशनको कार्य भईरहेको छ ।
बिक्री प्रबन्धक सानिमा क्यापिटलका अनुसार कम्पनीको आईपीओको डाटा भेरिफीकेशनको कार्य चलिरहेको र प्रि–अलटमेन्ट सकेपछि यसैसाता बाँडफाँड गरिने बताएको छ ।
कम्पनीले गत जेठ २० गतेदेखि सर्वसाधारणका लागि १ अर्ब ५० करोड रुपैयाँ बराबरको प्रतिसेयर १०० रुपैयाँ अंकित मूल्यका १५ लाख कित्ता आईपीओ निष्काशन गरेको हो ।
कुल सेयरमध्ये ६० हजार कित्ता कर्मचारीहरुका लागि सुरक्षित गरिएको छ भने ७५ हजार कित्ता सेयर सामूहिक लगानी कोष र बाँकी १३ लाख ६५ हजार कित्ताका लागि सर्वसाधारणले आवेदन दिन सकिने व्यवस्था गरेको थियो ।
कम्पनीले उक्त आईपीओमा आवेदकले न्यूनतम १० कित्ता र अधिकतममा १ लाख कित्तासम्म आवेदन दिन सकिने व्यवस्था गरेको थियो ।
कम्पनीको आईपीओमा १८ लाख ४८ हजार ७ सय १ जनाले २ अर्ब १९ करोड ७२ लाख ५२ हजार रूपैयाँ बराबरको २ करोड १९ लाख ७२ हजार ५ सय २० कित्ताका लागि आवेदन दिएका छन् ।
मागभन्दा धेरै आवेदन परेको हुनाले कम्पनीको आईपीओ गोलाप्रथाद्वारा बाँडफाँड हुनेछ । कम्पनीको आईपीओमा रितपूर्वक आवेदन दिने १ लाख ३६ हजार ५ सय जना १०/१० कित्ता हात पार्नेछन् भने बाँकी १७ लाख १२ हजार २ सय १ जनाको भने हात खाली हुने देखिएको छ ।
वि.सं.२०७९ जेठ ३० सोमवार १६:३२ मा प्रकाशित
