काठमाडौं । मोटरहेड ब्राण्डका नेपालको लागि आधिकारिक वितरक एसएलआर टेक्नो एण्ड ट्रेड प्रालिले लक्की ड्रमार्फत विजेताहरुलाई चेक हस्तान्तरण गरेको छ ।
कम्पनीले एक कार्यक्रमको आयोजना गरि लक्की ड्र मार्फत विजेताहरुलाई चेक हस्तान्तरण गरेको हो । कम्पनीले आफ्नो दशैं तिहार छठ अन्तर्गतको अफर अनुरुप तीन जना भाग्यशाली विजेताहरुलाई उक्त चेक हस्तान्तरण गरेको हो
उक्त अफरमा मोटरहेडका एमएच–१५०आर खरिद गरेका काठमाडौं निवासी सुभेन्दुरत्न तुलाधरले १ लाख, रुकम घर घई हाल काठमाडौं बस्दै आएका दया बुढा मगरलाई ५० हजार र ललितपुर निवास सुशान्त पौडेलले २५ हजार रुपैयाँ जितेका थिए । मगर र पौडेलले उक्त अफरमा मोटरहेडका परिचित मोडल टेक्कन आर२५० र स्क्राम्बलर खरिद गरेका थिए ।
उक्त कार्यक्रममा विजेताहरुलाई एसएल आर टेक्नो एण्ड ट्रेड प्रालिका निर्देशक सुगम घिमिरेले चेक हस्तान्तरण गर्नुभएको थियो ।
कम्पनीले उक्त अवधिमा चलाएको नगद छुटको अफरको साथै लक्की ड्र मार्फत आफूहरु उक्त रकमको योग्य हुन पाएकोमा तीनै जना विजेताले खुशी व्यक्ति गरेका थिए ।
हाल कम्पनीको नयाँ वर्ष २०७९ अन्तर्गतको अफर जसमा स्क्राच गरी १ लाख रुपैयाँसम्म जित्न सकिने र १ जना भाग्यशाली ग्राहकले लक्की ड्रमार्फत २ लाख ७ हजार ९ सय रुपैयाँ जित्न सकिने व्यवस्था रहेको छ ।
यस ब्राण्डका हाल सेल्स, सर्भिस तथा स्पेयर पार्ट्स सुविधाका साथ देशका मुख्य सहर बिर्तामोड, इटहरी, हेटौंडा, मन्थली, धादिङ, बुटवल, कावासोती, पोखरामा र उपत्यकाभित्र टेकु, बालाजु, धोबिघाट, चावहिल तथा भक्तपुरको सल्लाघारीमा छ ।
वि.सं.२०७९ जेठ ३० सोमवार १८:०६ मा प्रकाशित
