काठमाडौं । शेयर लगानीकर्ताहरुले आज नेपाल राष्ट्र बैंक घेराउ गर्ने भएका छन्। १९ बुँदे माग पुरा गराउन विभिन्न दबाबमूलक कार्यक्रम गर्दै आएका लगानीकर्ताले आइतबार केन्द्रीय बैंक अगाडि प्रदर्शनी गर्ने भएका हुन्।
१९ बुँदे मागसहित लगानीकर्ता तिलक कोइराला नेपाल धितोपत्र बोर्ड अगाडि आमरण अनशन बस्दै आएका छन्। उनको अनशन गत पाँचदिनदेखि जारी छ। कोइरालाको समर्थनमा लगानीकर्ताहरुले दैनिक रुपमा प्रदर्शनी गर्दै आएका छन्।
आज १ बजे केन्द्रिय गहनापोखरिदेखि केन्द्रीय बैंकसम्म प्रदर्शनी गर्ने लगानीकर्ताहरुको तयारी छ।
वि.सं.२०७९ असार ५ आइतवार १३:११ मा प्रकाशित