काठमाडौं । नेपाल स्टक एक्सचेञ्ज (नेप्से) मा थप चार कम्पनीको २ करोड १५ लाख ५० हजार कित्ता बोनस सेयर सूचीकृत भएको छ ।
मंगलबार एनएनजी इन्स्योरेनस, प्रभु इन्स्योरेन्स, नेशनल हाइड्रोपावर र नेपाल रि–इन्स्योरेन्स कम्पनीको बोनस सेयर सूचीकृत भएको हो ।
नेप्सेमा एनएलजी इन्स्योरेन्सको १० प्रतिशत बापतको १२ लाख ६ हजार १३ दशमलव ५ कित्ता, प्रभु इन्स्योरेन्सको ११ प्रतिशत बापतको १२ लाख ७८ लाख ९२ दशमलव ५६ कित्ता बोनस सेयर सूचीकृत भएको छ ।
यस्तै, नेप्सेमा नेशनल हाइड्रोपावरको १८.५२५ प्रतिशत बापतको २५ लाख ६६ हजार ५७ दशमलव ४३५५ कित्ता र नेपाल रि–इन्स्योरेन्सको १६.५० प्रतिशत बापतको १ करोड ६५ लाख कित्ता बोनस सेयर सूचीकृत भएको हो ।
यी चारै वटा कम्पनीको बोनस सेयर अब सम्वन्धित सेयरधनीहरुको हितग्राही खातामा जम्माभएपछि खरिदबिक्री गर्न सकिनेछ ।
वि.सं.२०७९ असार ८ बुधवार १३:५५ मा प्रकाशित