काठमाडौं । पुँजीबजार संघर्ष समितिले कुनै बहानाबाजी नगरि तत्काल समिति गठन र समस्या समाधान गर्न नेपाल धितोपत्र बोर्डलाई भनेको छ ।
समितिका संयोजक तिलक कोइरालालेले बिहीबार एक विज्ञप्ति निकाल्दै पहिले समिति गठन भई मागहरुका बारेमा बुँदागत रुपमा सीमासहित कार्यन्वयनको खाकामा सहमत भई हस्ताक्षर भएपछि अनशन तोडिने जनाउनुभएको छ ।
धितोपत्र बोर्डबाट हिजो ८ गते प्रेषित पत्रद्वारा एकीकृत १९ बुँदे माँग सम्बोधन गर्नका लागि समस्या समाधान समिति गठन गरिनेछ भनेर उल्लेख भएकोमा आन्दोलन र आमरण अनशन अन्त्य गरे पश्चात् भनी राखिएको शर्त अमान्य भएको कोइरालाले विज्ञप्ति मार्फत जनाउनुभएको छ ।
समस्या समाधान समितिमा कस कसलाई पठाउने भन्ने कुरा धितोपत्र बोर्डको छनौटको कुरा नभई संघर्ष समितिको संयोजकको अधिकार क्षेत्र भित्रको कुरा भएकाले त्यहाँबाट शर्त हटाई सुधारिएको दोस्रो पत्र प्राप्त भएपश्चात् यस समितिबाट सात जनाको नाम पठाइने र पूँजी बजारको अहिलेको संवेदनशिलता, जटिलता, विग्रदो अवस्था र अनशनरत स्वास्थ्य अवस्था विचार गरी आजै समिति गठन, बैठक, खाका तयार र हस्ताक्षर गरी आमरण अनशन तोडेर आम लगानीकर्ताहरुको मनोभावना सुदृढ बनाउन आँतुर रहेको विज्ञप्तिमा उल्लेख छ ।
वि.सं.२०७९ असार ९ बिहीवार १३:०२ मा प्रकाशित