काठमाडौं । बिहीबार पनि सेयर बजारमा भारी गिरावट आएको छ । आज बजार ४५.२५ अंकले घटेको हो ।
उक्त दिन बजार परिसुचक १८४८.२८ अंकको बिन्दुमा पुगेर बन्द भएको छ । अजा सबै समूहहरु रातम्मे बनेका छन् ।
उक्त दिन कारोबार रकममा भने केही सुधार देखिएको छ । आज १ अर्ब ४९ करोड ९७ लाख ९ हजार रुपैयाँ बराबरको सेयर कारोबार भएको हो ।
बिहीबार सबैभन्दा बढी कुमारी बैंकको सेयर कारोबार भएको छ । आज बैंकको ९ करोड ५३ लाख १२ हजार रुपैयाँ बराबरको सेयर खरिदबिक्री भएको हो ।
कारोबार रकमको आधारमा दोस्रो स्थानमा रहेको लक्ष्मी बैंकको ६ करोड ३६ लाख ८५ हजार रुपैयाँको सेयर किनबेच भएको छ ।
यस्तै, आज नबिल बैंकको ५ करोड ५३ लाख ६९ हजार रुपैयाँ बराबरको सेयर कारोबार भएको छ ।
वि.सं.२०७९ असार ९ बिहीवार १५:०७ मा प्रकाशित