काठमाडौं । काठमाडौं उपत्यका अपराध अनुसन्धान कार्यालय (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले रामेछाप जिल्ला, लिखु तामाकोशी गा.पा. वडा नं. ५ घर भई हाल काठमाडौं जिल्ला, का.म.न.पा. वडा नं. ३२, कोटेश्वर बस्ने अरुण खड्कालाई पक्राउ गरेको हो ।
उच्च अदालत पाटनले खड्कालाई २०७८ चैत ७ गते बैंकिङ् कसूर तथा सजाय ऐन २०६४ बमोजिम १० लाख १२ हजार जरिवाना र ४ दिन कैद सजाय सुनाएको थियो । त्यस यता उनी फरार रहेका थिए ।
निजलाई आज असार ८ गते तीनकुने काठमाडौंबाट, पक्राउ गरि थप अनुसन्धानका लागि जिल्ला अदालत ललितपुरमा उपस्थित गराईएको हो ।
वि.सं.२०७९ असार ९ बिहीवार १५:१० मा प्रकाशित
