काठमाडौं । बिहीबार दुई कम्पनीको सेयर मूल्यमा उछाल आएको छ । आज दुई लघुवित्त कम्पनीको सेयर मूल्य उच्च दरमा वृद्धि भएको हो ।
उक्त दिन आँधीखोला लघुवित्त वित्तीय संस्थाको सेयर मूल्यमा सकरात्मक सर्किट लागेको छ । आज कम्पनीको सेयर मूल्य १० प्रतिशत अर्थात प्रतिकित्ता ८७ रुपैयाँ ३० पैसाले वृद्धि भएको हो । योसंगै कम्पनीको सेयर मूल्य ९६० रुपैयाँ ६० पैसा कायम भएको छ ।
यस्तै, उक्त दिन सीवाईसी नेपाल लघुवित्त वित्तीय संस्थाको सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य ९.९९ प्रतिशत अर्थात प्रतिकित्ता ५५ रुपैयाँले वृद्धि भएको हो । योसंगै आज कम्पनीको सेयर मूल्य ६०६ रुपैयाँ ३० पैसा कायम भएको छ ।
वि.सं.२०७९ असार ९ बिहीवार १५:३३ मा प्रकाशित
