काठमाडौं । नेपाल क्रेडिट एण्ड कमर्स (एनसीसी) बैंकले संस्थापक सेयर बिक्री गर्ने भएको छ।
बैंकले संस्था सेयरधनीहरुको नाममा रहेको ६२ हजार ८२ कित्ता संस्थापक सेयर बिक्री गर्न लागेको हो ।
बैंकले संस्थापक सेयरधनी उषा अधिकारी (ढुगेल) को नाममा रहेको ४६ हजार ६५९ कित्ता, शिवराज जैशी अधिकारीको ५ हजार २५८ कित्ता, विश्वभक्त चित्रकार ५ हजार ८२ र यज्ञ कुमार मास्केको नाममा रहेको ५ हजार ८३ कित्ता संस्थापक सेयर बिक्री गर्न लागेको हो ।
उक्त संस्थापक सेयर खरिद गर्न इच्छुक योग्य बैंकका संस्थापक सेयरधनीहरुले आवेदन दिन सक्नेछन् । आवेदन आजैका मितिले ३५ दिनभित्र बैंकको बागबजार काठमाडौं स्थित सेयर विभागमा पेश गर्नुपर्नेछ ।
तोकिएको समयावधिमा संस्थापक सेयरधनीहरुबाट सेयर खरिदका लागि कुनै पनि प्रस्ताव नगरेको खण्डमा प्रचलित कानून बमोजिम अन्य बिक्री प्रक्रिया अघि बढाईने बैंकले जनाएको छ ।
वि.सं.२०७९ असार १० शुक्रवार ११:५१ मा प्रकाशित
