काठमाडौं । साताको अन्तिम कारोबार चार कम्पनीको सेयर मूल्य उच्च दरमा घटेको छ ।
शुक्रबार आँधीखोला लघुवित्त वित्तीय संस्थासहित चार कम्पनीको सेयर मूल्यमा उच्च गिरावट आएको हो ।
उक्त दिन आँधीखोला लघुवित्तको सेयर मूल्य ७.८८ प्रतिशत अर्थात प्रतिकित्ता ७५ रुपैयाँ ७० पैसाले घटेको हो । योसंगै आज कम्पनीको सेयर मूल्य ८८५ रुपैयाँ कायम भएको छ ।
यस्तै, आज मेगा म्युचुअल फण्ड–१ का सेयर मूल्य पनि उच्च दरमा घटेको छ । आज फण्डको सेयर मूल्य ६.९२ प्रतिशतले घटेको हो । फण्डको सेयर मूल्य प्रतिइकाई ०.५५ पैसाले घटेर ७ रुपैयाँ ४० पैसा कायम भएको छ।
उक्त दिन महुली लघुवित्त वित्तीय संस्थाको सेयर मूल्य पनि ६.८० पैसा अर्थात प्रतिकित्ता ७० रुपैयाँले घटेको छ । योसंगै कम्पनीको सेयर मूल्य ९६० रुपैयाँ कायम भएको छ ।
त्यसैगरि घलेम्दी हाइड्रोको सेयर मूल्य पनि ५.०४ प्रतिशतले घटेको छ । आज कम्पनीको सेयर मूल्य प्रतिकित्ता ९ रुपैयाँ ६० पैसाले घटेर १८१ रुपैयाँ कायम भएको छ ।
वि.सं.२०७९ असार १० शुक्रवार १३:३७ मा प्रकाशित
