काठमाडौं । शुक्रबार कुमारी बैंकको सर्वाधिक सेयर कारोबार भएको छ । साताको अन्तिम कारोबार दिन बैंकको साढे ८ करोड बढीको सेयर किनबेच भएको हो ।
उक्त दिन बैंकको ८ करोड ६३ लाख १२ हजार रुपैयाँ बराबरको सेयर खरिदबिक्री भएको छ । नेपाल स्टक एक्सचेञ्ज (नेप्से)का अनुसार आज बैंकको ४ लाख ३८ हजार ८५१ कित्ता सेयर किनबेच भएको हो ।
उक्त दिन बैंकको सेयर मूल्यमा पनि झिनो सुधार देखिएको छ । आज बैंकको सेयर मूल्य २.०६ प्रतिशत अर्थात प्रतिकित्ता ४ रुपैयाँले बढेको हो । योसंगै बैंकको सेयर मूल्य आज १९८ रुपैयाँ कायम भएको छ ।
वि.सं.२०७९ असार १० शुक्रवार १३:४५ मा प्रकाशित
