काठमाडौं । चालु आर्थिक वर्ष २०७८/७९ को जेठ मसान्तसम्ममा साढे ३२ अर्ब बढीको सुन आयात भएको छ ।
भन्सार विभागका अनुसार चालु आवको ११ महिनाको अवधिमा विश्वका विभिन्न मुलुकबाट ३२ अर्ब ६९ करोड ९४ लाख १८ हजार रुपैयाँ बराबरको सुन आयात भएको हो ।
उक्त अवधिमा युनाईटेड अरब इमिरेट्स (युएई), टर्की र स्वीटजरल्याण्डबाट ४ हजार ६५३ केजी सुन नेपाल भित्रिएको हो । सुन आयातबाट सरकाले ३ अर्ब ९५ करोड ५० लाख ५६ हजार रुपैयाँ राजश्व संकलन गरेको छ ।
एक महिना ( बैशाख मसान्तसम्म) को तुलनामा भने सुन आयात १०.०९ प्रतिशतले वृद्धि भएको छ । चालु आवको वैशाख मसान्तसम्ममा भने २९ अर्ब ७० करोड १० लाख ४९ हजार रुपैयाँ बराबरको सुन नेपाल भित्रिएको हो ।
चालु आवको ११ महिनमा सबैभन्दा बढी सुन युएईबाट आयात भएको छ । उक्त देशबाट २६ अर्ब २ करोड ५६ लाख ५७ हजार रुपैयाँ बराबरको सुन आयात भएको हो । युएईबाट ३ हजार ६९२ केजी सुन नेपाल भित्रिएको हो ।
यस्तै, चालु आवको जेठ मसान्तसम्ममा टर्कीबाट ५ अर्ब ९२ करोड ८७ लाख ५० हजार रुपैयाँ बराबरको ८६१ केजी सुन आयात भएको छ ।
त्यसैगरि स्वीटजरल्याण्डबाट भने ७४ करोड ५० लाख १२ हजार रुपैयाँ बराबरको १ सय केजी सुन नेपाल भित्रिएको हो ।
वि.सं.२०७९ असार १० शुक्रवार १५:४८ मा प्रकाशित