काठमाडौं । भोलि अर्थात असार १३ गतेदेखि रसुवागढी हाइड्रोपावरको आईपीओ निष्काशन हुने भएको छ ।
कम्पनीले भोलिदेखि आयोजना प्रभावित क्षेत्रका स्थानीय बासिन्दालाई १०० रुपैयाँ अंकित दरको ६८ लाख ४२ हजार १०० कित्ता आईपीओ निष्काशन गर्न लागेको हो ।
कम्पनीको आईपीमा आयोजना अति प्रभावित क्षेत्र रसुवाको गोसाइकुण्ड गाउँपालिका–१ थुमन र २ टिमुरे, प्रसारण लाइनबाट प्रभावित हुने आमाछोदिङ गाउँपालिका–४ गोल्जुङ र ५ का चिििलमे, गोसाइकुण्ड गाउँपालिकाका बाँकी वडाहरु ३ बृद्धिम, ४ लाङटाङ, ५ स्याफ्रुबेशी र ६ धुन्चेका साथै सामान्य प्रभावित बाँकी सम्पूर्ण जिल्लाबासीहरुले आवेदन दिन सक्नेछन् ।
उक्त आईपीओमा न्युनतम १० कित्तादेखि अधिकतम ७ सय कित्तासम्म आवेदन दिन सक्नेछन् । आवेदन छिटोमा असार २७ गतेसम्म र ढिलोमा साउन १० गतेसम्म दिन सकिनेछ ।
कम्पनीको आईपीओ निष्काशन तथा बिक्री प्रबन्धकमा सिद्धार्थ क्यापिटल रहेको छ भने सह –बिक्री प्रबन्धकमा एनआईबीएल एस क्यापिटल, ग्लोबल आइएमई क्यापिटल र सन्राइज क्यापिटल रहेका छन् ।
वि.सं.२०७९ असार १२ आइतवार १६:१७ मा प्रकाशित
