काठमाडौं । सूर्या लाइफ इन्स्योरेन्स र ज्योति लाइफ इन्स्योरेन्स कम्पनी मर्जरमा जाने भएका छन् । यी दुवै कम्पनीले एक आपसमा मर्जरमा जानका लागि प्रारम्भिक सम्झौता गरेका हुन् ।
बीमा समितिले बीमा कम्पनीलाई मर्जर गराउने नीति ल्याएसंगै कम्पनीहरु धमाधम एक आपसमा गाभिन मर्जर प्रक्रिया अघि बढाएका छन् । बीमा समितिले बीमा कम्पनीलाई हाल भएको भन्दा साँढे २ गुणा पुँजी बढाउने नीति ल्याएको हो ।
सूर्या लाइफ र ज्योति लाइफ एक आपसमा मर्जरमा जानका लागि आइतबार सम्झौता पत्रमा हस्ताक्षर भएको छ ।
सम्झौता पत्रमा सूर्या लाइफको तर्फबाट अध्यक्ष केशव प्रसाद भट्टरार्य र ज्योति लाइफको तर्फबाट अध्यक्ष नन्द किशोर शर्माले हस्ताक्षर गर्नुभएको हो ।
हाल सूर्या लाइफको चुक्तापूँजी २ अर्ब ४२ करोड रुपैयाँ र ज्योति लाइफको २ अर्ब २० करोड रुपैयाँ रहेको छ । एक बराबर एकको अनुपातमा मर्जर भएपछि बन्ने कम्पनीको चुक्ता पूँजी ४ अर्ब ६२ करोड रूपैयाँ पुग्नेछ ।
वि.सं.२०७९ असार १३ सोमवार ०९:१६ मा प्रकाशित