काठमाडौं । नेपाल स्टक एक्सचेञ्ज(नेप्से) ले दुई इन्स्योरेन्स कम्पीको सेयर कारोबार रोक्का गरेको छ ।
नेप्सेले सूर्या लाइफ इन्स्योरेन्स र ज्योति लाइफ इन्स्योरेन्स कम्पनीको धितोपत्रको दोस्रो बजारमा सेयर कारोबार रोक्का गरेको हो ।
यी दुई कम्पनीले आइतबार एक आपसमा मर्जरमा जाने प्रारम्भिक समझदारी पत्रमा हस्ताक्षर भएसँगै सेयर कारोबार रोक्का भएको हो ।
सूर्या लाइफ र ज्योति लाइफ एक आपसमा मर्जरमा जानका लागि आइतबार सम्झौता पत्रमा हस्ताक्षर भएको छ ।
सम्झौता पत्रमा सूर्या लाइफको तर्फबाट अध्यक्ष केशव प्रसाद भट्टरार्य र ज्योति लाइफको तर्फबाट अध्यक्ष नन्द किशोर शर्माले हस्ताक्षर गर्नुभएको हो ।
हाल सूर्या लाइफको चुक्तापूँजी २ अर्ब ४२ करोड रुपैयाँ र ज्योति लाइफको २ अर्ब २० करोड रुपैयाँ रहेको छ । एक बराबर एकको अनुपातमा मर्जर भएपछि बन्ने कम्पनीको चुक्ता पूँजी ४ अर्ब ६२ करोड रूपैयाँ पुग्नेछ ।
वि.सं.२०७९ असार १३ सोमवार ११:४८ मा प्रकाशित