काठमाडौं । सेयर बजारमा देखियो हरियाली एक दिन पनि टिक्न सकेन । आइतबार एकै दिन अप्रत्याशित रुपमा ९५ अंकले बढेको बजार आज दोहोरो अंकले घटेको छ ।
साताको दोस्रो कारोबार दिन बजार २३.८५ अंकले घटेको छ । उक्त दिन बजार परिसुचक १९३३.१३ अंकको बिन्दुमा पुगेर बन्द भएको छ । आज जीवन बीमा समूह ११३.९६ र लगानी समूह ०.६४ अंकले वृद्धि भएको छ । यी बाहेकका अन्य सबै समूहरु राताम्मे बनेका छन् ।
आज कारोबार रकममा पनि गिरावट आएको छ । अघिल्लो दिन सवा दुई अर्ब बढीको सेयर कारोबार भएकोमा आज घटेर २ अर्ब ४ करोड ४८ लाख ३१ हजार रुपैयाँमा सिमित भएको छ ।
उक्त दिन नागरिक लगानी कोषमा सर्वाधिक सेयर कारोबार भएको छ । आज कोषको १५ करोड ६५ लाख ८८ हजार रुपैयाँ बराबरको सेयर कारोबार भएको हो ।
कारोबार रकमको आधारमा दोस्रो स्थानमा रहेको हिमालयन डिस्टीलरीको ९ करोड ७ लाख ४४ हजार रुपैयाँ बराबरको सेयर खरिदबिक्री भएको छ ।
यस्तै उक्त दिन लाइफ इन्स्योरेन्स कर्पोरेशन (नेपाल) को ८ करोड २ लाख ९६ हजार रुपैयाँ बराबरको सेयर किनबेच भएको छ ।
वि.सं.२०७९ असार १३ सोमवार १५:०९ मा प्रकाशित