काठमाडौं । सोमबार तीन कम्पनीको सेयर मूल्यमा उछाल आएको छ । आज सीवाईसी नेपाल लुघवित्तसहित तीन कम्पनीको सेयर मूल्य उच्च दरमा वृद्धि भएको हो ।
साताको दोस्रो कारोबार दिन सीवाईसी नेपाल लघुवित्तको सेयर मूल्य ९.९९ प्रतिशत अर्थात प्रतिकित्ता ७२ रुपैयाँले वृद्धि भएको हो । योसंगै कम्पनीको सेयर मूल्य ७९२ रुपैयाँ ५० पैसा कायम भएको छ ।
यस्तै, आज न्यादी हाइड्रोपावर कम्पनीको सेयर मूल्य पनि ९.९६ प्रतिशतले वृद्धि भएको छ । कम्पनीको सेयर मूल्य आज प्रतिकित्ता २९ रुपैयाँ ९० पैसाले बढेर ३३० रुपैयाँ पुगेको छ ।
त्यसैगरि उक्त दिन लाइफ इन्स्योरेन्स कर्पोरेशन (नेपाल)को सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य प्रतिकित्ता ९.१५ प्रतिशत अर्थात प्रतिकित्ता ११९ रुपैयाँले बढेको हो । योसंगै कम्पनीको सेयर मूल्य १ हजार ४१९ रुपैयाँ पुगेको छ ।
आज यी कम्पनीहरुसहित बुद्धभुमि नेपाल हाइड्रोपावर, सिटिजन्स म्युचुअल फण्ड–२, नागरिक लगानी कोष लगायतका लगानीकर्ताहरुले कमाएका छन् ।
वि.सं.२०७९ असार १३ सोमवार १५:१८ मा प्रकाशित
