काठमाडौं । सोमबार सेयर बजार दोहोरो अंकले घटेको छ । आज बजार २३.८५ अंकले घटेको हो ।
साताको दोस्रो कारोबार दिन बजार परिसुचक १९३३.१३ अंकको बिन्दुमा पुगेर बन्द भएको आव २ अर्ब ४ करोड ४८ लाख ३१ हजार रुपैयाँ बराबरको सेयर कारोबार भएको छ ।
उक्त दिन सबैभन्दा बढी सेयर नागरिक लगानी कोषको भएको छ । आज कम्पनीको १५ करोड ६५ लाख ८८ हजार रुपैयाँ बराबरको सेयर कारोबार भएको हो । कम्पनीको आज ६० हजार ३४० कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य प्रतिकित्ता २ हजार ५४२ रुपैयाँ कायम भएको छ ।
कारोबार रकमको आधारमा दोस्रो स्थानमा रहेको हिमालयन डिस्टीलरीको भने ९ करोडड ७ लाख ४४ हजार रुपैयाँ बराबरको सेयर किनेबेच भएको छ । आज कम्पनीको २७ हजार ६४१ कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ३ हजार २१५ रुपैयाँ पुगेको छ ।
यस्तै, लाइफ इन्स्योरेन्स कर्पोरेशन (नेपाल) को ८ करोड २ लाख ९६ हजार रुपैयाँ बराबरको सेयर खरिदबिक्री भएको छ । कम्पनीको आज ५९ हजार ५८५ कित्ता सेयर कारोबार भएको नेप्सेले जनाएको छ । कम्पनीको सेयर मूल्य भने १ हजार ४१९ रुपैयाँ कायम भएको छ ।
वि.सं.२०७९ असार १३ सोमवार १५:५१ मा प्रकाशित