काठमाडौं । लुम्बिनी जनरल इन्स्योरेन्स कम्पनीको लाभांश सुरक्षित गर्ने आज अन्तिम मौका रहेको छ ।
कम्पनीले गत आर्थिक वर्षको मुनाफाबाट घोषणा गरेको १० प्रतिशत लाभांश सुरक्षित गर्ने आज अन्तिम दिन रहेको छ ।
कम्पनीले साधारण सभा तथा लाभांश वितरण प्रयोजनका लागि भोलि अर्थात असार १५ गते बुक क्लोज गर्ने भएको छ । योसंगै आजसम्म कायम सेयरधनीहरुले कम्पनीको साधारण सभा भाग लिन र लाभांश प्राप्त गर्नेछन् ।
कम्पनीले गत आवको मुनाफबाट सेयरधनी ९.५ प्रतिशत बोनस सेयर र कर प्रयोजनका लागि ०.५ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले असार २९ गते साधारण सभा बोलाएको छ ।
सभामा आव २०७७/७८ को वार्षिक प्रतिवेदन पारित गर्ने, लेखापरिक्षण प्रतिवेदन सहित आ.व. २०७७/७८ को वासलात, नाफा नोक्सान हिसाब, नगद प्रवाह विवरण सहित अनुसूची पारित हुनेछ ।
यसका साथै सभाले चालु आवको हिसाब किताब लेखापरिक्षण गर्नका लागि लेखापरिक्षण नियुक्ति गर्ने तथा निजको पारिश्रमिक तोक्नेछ ।
त्यस्तै, अन्य कुनै बीमा कम्पनीसँग मर्जर तथा प्राप्ति प्रक्रियामा जाने कार्यका लागि आवश्यक सम्पूर्ण जिम्मेवारी सञ्चालक समितिलाई दिने प्रस्ताव रहेको छ ।
वि.सं.२०७९ असार १४ मंगलवार ११:४९ मा प्रकाशित
