काठमाडौं । सिद्धार्थ बैंकले निष्काशन गरेको ऋणपत्रमा आवेदन दिन म्याद थप भएको छ ।
बैंकले वार्षिक १०.७५ प्रतिशत ब्याजदरमा निष्काशन गरेको ऋणपत्रमा अब असार २४ गतेसम्म आवेदन दिन सकिने भएको हो ।
असार १० गतेदेखि बैंकले ‘एसबीएल डिबेन्चर २०८९’ निष्काशन तथा बिक्री खुला गरेको हो ।बैंकको उक्त ऋणपत्रको अवधि १० वर्ष रहनेछ ।
बैंकले प्रतिकित्ता एक हजार रुपैयाँ अंकित मूल्यका ४ अर्ब रुपैयाँ बराबरको ४० लाख कित्ता ऋणपत्र निष्काशन गरेको हो ।
सोमध्ये ४० प्रतिशत अर्थात १ अर्ब ६० करोड रुपैयाँ बराबरको १६ लाख कित्ता सर्वसाधारणलाई र बाँकी ६० प्रतिशत अर्थात दुई अर्ब ४० करोड रुपैयाँ बराबरको २४ लाख कित्ता व्यक्तिगत तवरबाट बिक्री गरिने बैंकले जनाएको छ । सर्वसाधारणका लागि बिक्री गरिने ऋणपत्रमध्ये ८० हजार कित्ता सामूहिक लगानी कोषका लागि छुट्याइएको बैंकले जनाएको छ ।
उक्त ऋणपत्रमा लगानीकर्ताले न्यूनतम २५ कित्तादेखि अधिकतम एक लाख कित्ताका लागि आवेदन दिन सक्नेछन् ।
बैंकको ऋणपत्र निष्काशन तथा बिक्री प्रबन्धकमा कुमारी क्यापिटल रहेको छ ।
वि.सं.२०७९ असार १४ मंगलवार १२:०७ मा प्रकाशित